Smekkleysa SM / BadTaste SM

Ein ástsælasta hljómsveit Íslands fyrr og síðar, Sigur Rós, hefur sent frá sér tilkynningu um heiti og útgáfudag nýjustu breiðskífu sinnar. Breiðskífan mun heita “Með suð í eyrunum við spilum endalaust” og er hún fimmta breiðskífa sveitarinnar. Útgáfudagur plötunnar er 23. júní.

Það er margt sem aðgreinir nýju plötuna frá fyrri verkum sveitarinnar. Fyrir það fyrsta þá er hún ekki tekin upp og unnin af stærstum hluta í hljóðveri sveitarinnar í Álafoss-hvosinni. Upptökur fóru fram í New York, London, Havana á Kúbu og í Sundlauginni í Mosfellsbæ. Upptökum stjórnaði hinn virti upptökustjóri Flood ásamt meðlimum sveitarinnar. Á plötunni er að finna fyrsta lagið sem Jónsi syngur á ensku og er það lokalagskífunnar, “All Alright”. Eitt lag er sungið á “vonlensku” en hin eru öll sungin á íslensku. Platan öll var samin, tekin upp og hljóðblönduð á þessu ári og fyrir vikið má heyra mikla spilagleði og almenna gleði í lagasmíðum sveitarinnar, sem er e.t.v. ný fyrir sumum aðdáendum sveitarinnar.

Lagatitlar og röð er þessi:

1. Gobbledigook
2. Inní mér syngur vitleysingur
3. Góðan daginn
4. Við spilum endalaust
5. Festival
6. Með suð í eyrum
7. Ára bátur
8. Illgresi
9. Fljótavík
10. Straumnes
11. All Alright

Fyrsta smáskífa plötunnar er Gobbledigook og hér má finna frábært myndband við það.

Nánari lesningu um plötuna er hægt að finna hér!!

Næstkomandi mánudag verður hægt að forkaupa plötuna á heimasíðu sveitarinnar og þann 9. júní geta þeir sem hafa forpantað hlustað á plötuna í streymi á síðunni.

Spennandi tímar framundan.

Steintryggur is embarking on a small tour of Iceland in middle May.

They will be promoting their new CD Trappa, which took 4 years to complete and was recorded in a variety of locations with performances by local virtuosos. Mixed and edited by Australian Ben Frost, the CD takes unexpected turns into the realms of the electro acoustic. Organic grooves and audio terror ensues.

Siggi recently gave us an interview where he talks about Steintryggur and the new album. We will now like to share this with you and give you a little insight into this amazing project.

The touring group consists of Steingrimur on tabla and various percussion, Sigtryggur on trap kit and Ben Frost on the mac and mix. Kippi Kaninus is also known to drop in and work his special form of jaw harp and overtone vocal in the mix. A good and hearty, arty farty party!

Here are the dates for the Icelandic tour, which begins tomorrow night:

14.mai Höfn - Pakkhúsið 21.00
15.mai Húsavik - Gamli Baukur 21.00
16.mai Akureyri - Græni Hatturinn 22.00
17.mai Isafjörður - Edinborgarhúsið 22.00
18.mai Stykkishólmur - Vatnasafnið 20.00

Trappa is out now in shops around Iceland and online at http://www.smekkleysa.net

Smekkleysa gefur út breiðskífuna Ar Puro með Super Mama Djombo sem spila á Listahátíð 31. maí.  

Í nóvember 2007 gerðist sá óvenjulegi atburður að afrísk hljómsveit ferðaðist frá hitabeltinu til Íslands, lands íss og elda, í myrkasta skammdeginu til að taka upp hljómplötu. Hljómsveitin heitir Super Mama Djombo og kemur hún nú fram á Listahátíð í Reykjavík til að kynna nýja tónlist sína, en það er í fyrsta sinn sem hún er flutt utan Gíneu-Bissá, heimalands hljómsveitarinnar í Vestur-Afríku. Platan var tekin upp í hljóðveri Sigur Rósar og er.

Saga hljómsveitarinnar Super Mama Djombo er samofin sögu lýðveldisins Gíneu-Bissá. Hljómsveitin var stofnuð árið 1972 af nokkrum táningspiltum, tveimur árum áður en landið fékk fullt sjálfstæði frá Portúgal. Að fengnu sjálfstæði máttu menn loks óáreittir syngja dægurlög á kreól, en það tungumál tengir saman í eitt málsvæði á um annan tug þjóðernishópa sem búa í landinu. Með Super Mama Djombo steig fram ung kynslóð tónlistarmanna sem sameinaði í söng og hljómum vonir nýfrjálsrar þjóðar um bjarta framtíð. Hin sérstaka blanda af kreól og hefðbundnum gíneönskum hljómum gengur undir nafninu gumbé og meðlimir Super Mama Djombo voru meistarar í túlkun hennar. Þeir ferðuðust til annarra landa í Afríku, Evrópu og víðar og voru meðal áhrifamestu hljómsveita á sínu sviði á þessum tíma. Árið 1980 gerðu þeir einu hljómplötuupptökurnar sem til eru með upprunalegu hljómsveitinni. Á grunni þeirra hafa komið út alls fimm hljómplötur á vinýl, auk tveggja safnplatna á geisladiskum – og enn er mikið efni óútgefið. Hljómsveitin leystist upp árið 1986.

Síðan 1986 hafa einstakir meðlimir hljómsveitarinnar unnið að tónlist hver í sínu horni. Hljómsveitarstjórinn Atchutchi hefur gefið út tvær plötur undir nafninuOrchestra Super Mama Djombo. Söngkonan Dulce Neves og trommarinn Zé Manel hafa hvort um sig gefið út þrjár plötur í eigin nafni. Zé Manel er einnig höfundur tónlistarinnar í fyrstu afrísku óperunni Binte Were sem nú er að leggja upp í heimsreisu. Það er þó nú í fyrsta sinn sem hljómsveitin stígur á svið með nokkrum af sínum fyrri burðarásum til að töfra fram hljóm hinnar upprunalegu Super Mama Djombo til að gleðja heiminn með tónlist sinni og fjörugri sviðsframkomu.

Nafnið Mama Djombo á rætur í kvenkyns skurðgoði sem er eitt öflugasta átrúnaðargoðið í Gíneu-Bissá. Þangað leita fjölmargir af mismunandi þjóðernishópum lausnar á margvíslegum vandamálum sínum. Það er því ekki að undra að sveitin vitjaði skurðgoðsins Mama Djombo áður en lagt var af stað í upptökur á Íslandi og bað um liðsinni hennar í von um vel heppnað verkefni sem beið í fjarlægu og köldu landi. Hvort sem það er stuðningi Mama Djombo að þakka eða árangursríku samstarfi frábærra tónlistarmanna er þessi nýja tónlist Super Mama Djombo í gumbé anda fyrri mektardaga hljómsveitarinnar. Sem fyrr fara saman grípandi laglínur við ljóðræna texta, sterkur gítarleikur og margradda söngur sem er studdur leikandi léttum ásláttarhljóðfærum. Í ljóðunum segir frá þrautagöngu brostinna drauma, stríðsátaka og upplausnar. Um leið er tónlistin óður til landsins og hvatning til ungs fólks um að taka upp gunnfánann sem leiddi til sjálfstæðis Gíneu-Bissá undir leiðsögn þjóðfrelsishetjunnar Amílcar Cabral.

Á tónleikum sínum á Listahátíð kynnir Super Mama Djombo nýja tónlist sína á alþjóðlegum vettvangi í fyrsta sinn. Hljómsveitin mun auk þess rifja upp dillandi gumbé tóna frá fyrri tíð. Það er því óhætt að segja að það séu forréttindi okkar Íslendinga, búsettra á norðurhjara veraldar, að vera næstir á eftir Afríkubúum til að njóta Super Mama Djombo endurborinna í hitabeltisham á sviði. Mögnuð tónlist í flutningi meistara á sínu sviði – Super Mama Djombo er komin til að vera.

Super Mama Djombo skipa:

ADRIANO FERREIRA GOMES “ATCHUTCHI” – hljómsveitarstjóri og höfundur laga
CESÁRIO HOPFFER “MIGUELINHO” - saxófón og gítar
ZÉ MANEL – trommur, tina, gítar og söngur
ARMANDO VAZ PEREIRA – congatrommur og bumbulum
FERNANDO PITCHETCHE – gítar
JAMIL CORREIA – gítar
VALDIR DELGADO - bassi
DULCE NEVES – söngur
BINHANQUINHE QUIMOR – söngur
KARYNA SILVA GOMES – söngur
TINO TRIMO – söngur
IVANILDO BARBOSA – hljómborð og söngur

Eingöngu selt í stæði

Miða má nálgast hér.
Tónleikarnir eru styrktir af Baugi.
 

21.aldar USB lyklapartý, tónleikar og gargandi fögnuður á næturklúbbnum og tónleikastaðnum Organ

(Hafnarstræti 1 - 3) föstudagskvöldið 9. maí næstkomandi helgi.

Allar plötur Grandmothers records verða nú loks fánlegar í fullum stafrænum gæðum inná Grapewire.net. Þetta eru fimm breiðskífur sem hafa komið út frá árinu 2000 til 2007.
Takmarkað upplag þeirra er nú löngu uppselt fyrir utan nýjustu breiðskífu Skáta; Ghost of the Bollocks to Come. Sú plata var valin plata ársins 2007 af menningar tímaritinu Grapevine. Væntanleg er plata frá Retron í haust en Viðar Hákon Gíslason er að mixa gripinn með Retron. Af þessu tilefni munum við fagna, gleðjast og spila tónleika ásamt vinum okkar í Sudden Weather Change, Kimono, Kiru Kiru, Dlx Atx, Clap for Alaska og Klive. Þess má geta að Klive mun flytja efni af debut breiðskífu sinni Sweaty Psalms sem kemur út daginn áður eða 8. maí. Kimono og Retron hafa nýlokið við minitúr um Belgíu og eru bæði bönd því sjóðandi heit, eftir vel heppnaða tónleikaferð saman.
Kira Kira er að gefa út sína aðra breiðskífu í þessum mánuði en útgáfutónleikar hennar verða tilkynntir von bráðar. Sú plata kemur einnig út í Japan í haust. Kira Kira og Skátar munu leiða saman hesta sína þetta kvöld en hljóðfæraskipan mun líklega koma einhverjum á óvart.

Partýið hefst klukkan 21:00 á neðri hæð Organ með óvæntum uppákomum, Rambósamlokum og fleiri góðum veitingum. Plötusnúður kvöldsins er Elvar ( betur þekktur sem AuxPan ) en hann mun m.a. spila sjaldgæft og vandfundna Kántrý tónlist í skemmtilegri kantinum.

Plötur sem hafa komið út undir merkjum GMR eru í tímaröði þessar:

Anguma 2000 / Sofandi, Ugly Demos 2001/ Sofandi,
Roughness & Toughness 2003 / Graveslime,
Heimsfriður í Chile 2005 / Skátar
Ghost of the Bollocks to Come 2007 / Skátar

Allt kvöldið verður hægt að versla allar plöturnar á stafrænu formi á
staðnum og hlaða þeim niður á usb lykil, ipod o.s.frv.

Allir sem mæta á tónleikana geta fengið 5 lög frá GMR ókeypis beint inná USB lykil á staðnum eða fengið kóða og hlaðið þeim niður seinna á http://www.grapewire.net

Klive, Kira Kira , Clap for Alaska og fleiri af flytjendum kvöldsins munu einnig hafa lög sín í boði fyrir tónlistarþyrsta gesti og USB lyklana þeirra. MUNA eftir USB lyklinum!!!

Takk fyrir og sjáumst hress ,
Grandmothers records og vinir.

www.Grapewire.net

Tóndæmi og nánari upplýsingar um böndin er hægt að finna á:

www.myspace.com/skatar
www.myspace.com/retron
www.myspace.com/clapforteamalaska
www.myspace.com/suddenweatherchange
www.myspace.com/kliveisklive
www.myspace.com/kirakira

www.myspace.com/organreykjavik

Grandmothersrecords@gmail.com
www.myspace.com/grossmutterrekords

Við vorum fá fullt af frábærum nýjum titlum í búðina!

Breeders - Mountain Battles [ 4AD]

Kim Deal (Pixies) og félagar snúa aftur eftir langa pásu með glænýja plötu sem Kim hefur verið að vinna að síðan 2002! Breeders brjót a löngu þögn sína með frábæru albúmi sem sýnir að jaðar-rokk 10. áratugar seinustu aldar lifi enn! Enginn annar en Steve Albini sér um upptökur en fær þó smá hjálp frá nokkrum vinum.

Raconteurs - Consolers of the Lonely [XL Recordings ]

Það kom öllum á óvart þegar Raconteurs tilkynntu nýjustu plötu sína aðeins einum degi áður en hún kom út stafrænt og viku áður en hún kom í verslanir! Nú er hún loksins komin í Smekkleysu plötubúð og eru Jack White og hinir strákarnir aldeilis að hressa og kæta alla starfsmenn þar inni! Ekki missa af þessarri!

Mountain Goats - Heretic Pride [ 4AD]

Sextánda (!) plata Mountain Goats hefur verið vel tekið hjá gagnrýnend um og fær m.a.73/ 100 hjá metacritic, 8.0 einkunn hjá pitchforkmedia og fjórar stjörnur af fimm hjá The Guardian. Þessi langlífa sveit sendir frá sér 13 glænýja þjóðlaga-rokk smelli sem gefa fyrri verkum ekkert eftir!

Cadence Weapon - Afterparty Babies

Þessi kanadíski rappari gefur hér út sína aðra breiðskífu. Weapon fæst við dæmigert old school hip-hop sem gætir áhrifa frá evrópsku electro-house senunni. Hefur lagið hans In Search of the Youth Crew notið nokkurra vinsælda á sjálfstæðum miðlum undanfarið . Afterparty Babies er gríðarlega skemmtileg og er ekta plata til að hafa með í hacky-sack leikjunum eða garðveislunum í sumar!

Fleiri titlar sem eru nýkomnir:

Carl Craig - Sessions

Toumani Diabaté - The Mandé Variations

Bob Mould - District Line

Ýmsir - You Don’t Know (Þriggja diska Ninja Tune safnplata!)

Samim - Flow (á CD)

Við erum einnig búin að taka inn skemmtilega seríu af live plötum, en í hulstrinu er einn geisladiskur og einn mynddiskur, báðir með flottum lifandi upptökum. Meðal listamanna í seríunni eru: Marianne Faithful, Marvin Gaye, Dickey Betts, The Pretenders og The Shadows

Svo kom loksins meira af Vampire Weekend plötunni, en fyrsta sendingin seldist upp á augabragði!

Að lokum minnum við á að útsalan er enn í fullum gangi og er verðið frá 249 kr, og í raun flestar plötur og myndir á algjöru rugl verði! Svo á föstudaginn koma Morðingjarnir að spila og gera allt vitlaust með sínu al-íslenska pönki!

Hlökkum til að sjá ykkur !

= = = = = = = = = = = =

Opið:

Mán-Fim: 10:00-18:00

Fös: 10:00- 18:30

Lau: 11:00- 16:00