Trappa heitir nýjasta afurð Steintryggs flokksins en hann skipa þeir bank bræður Sigtryggur Baldursson og Steingrímur Guðmundsson. Hafa þeir unnið að grip þessum í fjögur ár með hléum, safnað hinum ymsustu framlögum framandi hljóðfæraleikara og söngvara og síðan fullunnið verkið með Galdramanninum frá Ástraliu, Ben Frost.
Fyrir utan þá Steingrím og Sigtrygg sem hafa leikið á slagverkshljóðfæri hverskonar og ýmis önnu hljóðfæri, auk forritunar, koma einnig við sögu margir góðir gestir sem ljáðu leikni sína með hljóðfæraslætti og söng. Má meðal annarra nefna barkasönghópinn Huun Huur Tu sem heilluðu landsmenn uppúr skónum árið 2005 á listahátið og Tyrkneska strengja og flautu snillingin Hadji Tekbilek, að ógleymdum hinum danska-hollenska Sören Venema sem leikur á gítar og ymiskonar framandleg strengjahljóðfæri. Hinn aldanski Lars Bo Kujahn leikur á flathörpu sem ættuð er frá egyptalandi og heitir Quanoon (kanún) og setur mikinn svip á fyrsta lag disksins, Melur.
Fleiri góðir gestir koma við sögu og af íslendingum má nefna kammerkór suðurlands og saxafón stórmeistarann Jóel Pálsson sem brýtur blað í og leikur á kontrabassa klarinett.
Frá bretlandseyjum koma við sögu gítarleikari bresku sveitarinnar Faithless, Dave Randall og ekki síður gamall munnhörpuleikari frá Wales, David Jones, sem þeir Steintrygg félagar og Ben Frost fundu uppí fjöllum Wales. Má með sanni segja að þarna leiki lausum hala mikill samvinnupúki og spilagleði sem einkennt hefur verk þessarar sérstæðu sveitar sem er ein af fáum íslenskum sem sækir innblástur beint í fjölbreytileika framandi hljóðheima og menningarkima.
Í tónleikasveit Steintryggs leika nú þeir Sigtryggur og Steingrímur, Ben Frost og Kippi Kanínus sem leikur á Kjálkahörpu og syngur yfirtónasöng sem er söngtækni sem ættuð er frá mongólíu. Hyggja þeir á tónleikaferð um landið um miðjan mai. Nánari upplýsingar síðar.
Má benda fólki á www.myspace.com/steintryggur
Tags: steintryggur, trappa
Entries (RSS)